Монголын хөлбөмбөгийн холбооноос жил бүрийн зургадугаар сарын 1-ний “Хүүхдийн баяр”-ын өдрийг “ХҮҮХЭД-ХӨЛБӨМБӨГ-ИРЭЭДҮЙ” хөтөлбөрийн хүрээнд “Хүүхдийн хөлбөмбөгийн баяр” болгон тэмдэглэн өнгөрүүлдэг уламжлалтай.

Энэ уламжлалын дагуу энэ жилийн хүүхдийн баяраар бяцхан хүүхэд, багачуудыг МХБХ-ны “Цэнгэлдэх хүрээлэн”-д хүлээн авч, мэргэжлийн багш дасгалжуулагч нараар хөлбөмбөгийн анхан шатны арга техник болон олон төрлийн элемент, дасгал хөдөлгөөнүүдийг заалгаж, тэдэнтэй цуг тоглон, “Хүүхдийн хөлбөмбөгийн баяр”-ыг баяр баяслаар дүүрэн тэмдэглэж, мартагдашгүй сайхан дурсамжтай өнгөрүүллээ.

Хөлбөмбөгийн баярт МХБХ-ны ерөнхийлөгч А.Ганбаатар хүрэлцэн ирж, хүүхдүүдэд баяр хүргэн, тэдэнтэй хамт анхны гоолынх нь баярт мөчийг хуваалцсан юм.